Se yon Temwayaj de yon ansyen “Genie en sorcelerie” ki rele Etienne Emmanuel ki te akonpanye yon mari ki ta pral ofri madan-m’ li kom sakrifis.
Gen yon gran seremoni ki fet chak ane nan mond envizib chak 6 Janvye kote moun ki gen angajman ak Satan pote yon moun vivan kom sakrifis pou renouvle kontra yo.
Satan chita sou yon twon an fas yon gwo tab long ke yo fe espesyalman pou yo sakrifye moun. Tab sa gen twou atrave-l’ yo mare viktim lan pou met afe-a pike-l’.
Epi li gen yon seri riyel atrave-l’ san viktim lan koule al nan yon resevwa pou dyab la bwe.
Satan gen yon “mot de passe” li bay met afe-a ki gen angajman pou-l’ pran ponya-l’ pou-l’ pike viktim lan nan ke pou san komanse vide.
Lucifer menm gen yon gwo koulev k’ap soti bo vant li pou-l’ al nan resevwa san sa pou-l’ vale san moun sa jis li satisfe pou-l’ ka renouvle kontra.
Li jis bay moun sa yon kat ki senbolize kontra renouvle epi moun sa disparet. Rive moun sa rive li jwenn lajan-l’ ogmante.
Yo komanse touye moun. Sa-k’ potko mouri yo, genyen ki komanse pipi, twalet sou yo. Kidonk, viktim sa yo mouri atrave inyorans yo.
Le yo rive sou yon ti pitit marenn li ta pral sakrifye-l’, pandan marenn li pral leve ponya pou-l’ pike-l’, ti pitit la di “Jezi grann mwen-an sove-m'” .
Menm moman gen yon kout loraj ki tonbe nan mond envizib “blohw”. Epi gen yon sel toubouyon ki tonbe anndan sal seremoni-an.
Lucifer sot tonbe ate. Twon li chavire. Non Jezi jete Lucifer fas ate. Tout lot demon ki te la yo tout sot tonbe. Tab sakrifis la chavire fas anba.
Tout moun ki te mare, kod yo kase. Toubouyon-an ap sakaje anndan. Moun ki te temwen evenman tonbe nan yon kwen.
Apre kelke minit, boulves la kalme. Li we Lucifer k’ap leve ate-a. Temwen-an deklare “dyab pa anyen”. Sila ki kichoy la se Jezi.
Le yo tout fin leve nan yon kwen, dyab la deklare kote ti “salopri” ki repete non “ti neg” sa la. Misye pa ka di non Jezi paske se yon pwazon non sa ye pou li.
Temwen-an deklare ke si-w’ santi-w’ feb, dyab ap vin kouche-w’, batay ave-w’, ou met repete 7 kout “le sang de Jesus”, ou ap gen batay la.
Tout moun ki ta pral viktim yo, tout disparet. kidonk, moun ki kanpe nan mond envizib se bann kriminel yo ki rete.
Kom vanjans, dyab la deklare se yo menm pou ki pase. Misye deklare se dam lan pou ki pase nan plas tifi-a. Li di kat ajan pran dam lan mare-l’ sou tab la.
Le yo chaje mari ki ta pral vann madanm li ki te gen tan disparet atrave deklarasyon ti pitit la te fe-a pou yo al sakrifye misye, li deklare Jezi ki te sove ti pitit la sove-m’.
Menm kout loray la fet anko. Men toubouyon-an pete anndan pi red anko. Misye disparet. Tout kriminel ke yo ta pral sakrifye yo tout tonbe rele Jezi mete-m’ deyo.
Bondye sove yo.
Temwayaj
Gen yon legliz ke-m’ te ale, m’ te bay yon ofrann $100 ki te yon ofrann san. Paste-a te tre enpresyone de ofrann sa. Li di-m’ li vle rankontre-m’ nan fen sevis la.
Pita, paste-a remesye-l’ pou ofrann sa. Mwen reponn, mwen vle soutni zev Bondye akoz de sa li fe pou mwen.
Madan-m’ paste-a komanse ap plenyen akoz konvesasyon-m’ ak paste-a. Men le-m’ ouvri je spirityel mwen, m’ remake ke-l’ pa-t’ kouvri ak flanm dife menm jan ak Kretyen otantik yo.
Kidonk, m’ te gen kapasite detwi-l’ si-m’ vle paske-l’ te yon paste chanel. M’ mande-l’ yon estimasyon de tout enstriman ki anndan legliz la ke-l’ bezwen, paste-a te tre kontan.
Dyak legliz la banm yon estimasyon de $3,000. Apre, m’ vin vizite paste-a lakay li. Li te selman ak yon bout short sou li. M’ te tre sedwizant.
Li komanse konvwate-m’. Li propoze pou-l’ marye ave-m’. Menm moman li komanse touche-m’ toupatou nan ko-m’. M’ pran pwoz m’ pa vle.
Nou komanse bo. Pandan n’ap bo, m’ komanse fe priye majik. Nan yon sel moman, m’ transpote paste chanel sa nan wayom Satan.
M’ disparet paste sa sou te sa, n’al ateri nan mond astral sosye. Li tonbe nan yon selil prizon kote-l’ gen chen nan pye, men, ak kou-l’ kom yon esklav.
Apre misyon sa, m’ kite paste sa nan prizon epi-m’ retounen sou te sa. Men m’ te sipoze ale nan wayom Satan pou-m’ prezante kaptif la a otorite mond astral sosye.
Le-m’ tounen atrave vwayaj astral, m’ retire paste-a nan selil kote-l’ te ye-a. M’ prezante-l’ a gran pret sosye-a. Li te do touni ak bout short sou li-a. M’ mache ave-l’ nan prezans tout sosye yo.
Te gen gwo selebrasyon paske kaptire yon “homme de Dieu” se yon gwo bagay nan mond Satan. Gran pret la felisite-m’ akoz nou kaptire yon gran vach.
Yo rele “homme de Dieu” yo vach nan mond Satan paske yo che. Gen anpil lajan ke enmi-an mete pou kaptire yo.
Moman te rive pou-n’ dekapite paste sa. Menm moman paste sa komanse ap pale nan yon lang ke-n’ pa-t’ ka konprann.
Li te entedi pou yon kaptif pale amwenske yo otorize-l’. Kidonk, yo fwete-l’, men-l’ kontinye pale. Men pret la ak sosye yo komanse ap poze tet yo kesyon ki lang menm paste sa ap pale.
Pandan paste sa ap pale an lang, li site non Jezi, gen yon eksplozyon dife ki fet tankou yon bonm ki eklate.
Gen yon sel anbouteyaj kote tout moun pete kouri pou sove vi yo. Gen dife ak lafimen nan eksplozyon sa. Menm moman paste-a disparet nan kaj kote-l’ te ye-a.
Nan wayom sosye, yo mete kaptif yo nan kaj kom animal. Tout moun te an kole kont mwen akoz ensidan sa.
Non Jezi Kris te terib, danjere, ak fatal.