Bondye, ou gen yon kontwòl siprèm sou tan (pase, prezan, ak fiti), sou spas (longè, lajè, ak wotè oubyen pwofondè), matyè (likid, solid, gaz), ak enèji ki nan tout sa ki egziste (tout fòs kosmik ki egziste nan inivè-a).
Kote Ou syeje sou twòn lan se orijin tout bagay ki egziste. Tout bagay ap evolye selon fason ak lòd Ou te kreye pou yo te evolye. Pwisans kreyatif Ou an mosyon a travè tout.
Tout sa ki egziste te kreye pa Ou menm pou yon bi byen detèmine. Se Ou menm ki nwayo yo tout atravè Kris pa pwisans Sent Espri-W’. Se Ou menm ki kenbe oubyen soutni tout eleman sa yo ki konstitiye inivè-a an jeneral.
Kidonk, Ou kreye spas ki sanse parèt vid men ki pa vid an reyalite tankou yon dra a 4 dimansyon. Tout objè oubyen kreyati k’ap deplase, yo oblije franchi dra sa-a. Yo oblije franchi spas sa-a ke-W’ te kreye yon fason pou pèmèt aktivite ak mouvman kapab fèt. Si dra sa-a te rijid, moun pa t’ap ka fonksyone nan mond sa-a.
Ebyen, Ou kontwole spas oubyen domèn kote lòm ap fonksyone kòm Kreyatè siprèm. Avan menm ke te gen anyen ki te egziste, domèn sa-a te sanse vid.
Se Ou menm ki aranje oubyen striktire tout bagay ki pèmèt gen yon kosmòs ki byen òdone. Se Ou menm ki pèmèt li posib pou gen aktivite nan domèn sa-a. Ou te kreye-l’ konsa menm paske Ou se yon Bondye dinamik pa yon Bondye statik.
Tout eleman ki konstitiye domèn sa-a se Ou menm ki non sèlman kreye yo, men se Ou menm ki soutni yo ap gwo pwisans Ou. Ou gen kontwòl sou tout objè ak kreyati k’ap deplase nan domèn sa a tout moman. Ou gen yon otorite sou tout fòm vi ki egziste.
Menm ata lè-a ki parèt vid, ou gen kontwòl sou tout eleman ki konstitiye-l’ tankou oksijèn ak nitwojèn, kabòn, metàn, ak agon. Tout sa yo tonbe nan categori gaz ki ranpli espas kote lòm ap viv la. Se gaz sa yo ke lòm ak zannimo yo respire chak jou. Menm spas ki sanse parèt vid, pwisans kreyatif Ou an mosyon kontinyèlman nan mete lòd nan kosmòs la.
Ou se yon Bondye responsabilite ki vle di kontwòl ak dominyon Ou sou tout bagay pa elimine responsabilite ke lòm lan genyen pou-l’ egzèse pridans, prekosyon nan tout sa l’ap fè sou tè sa-a.
Alò, se sa ki vin kreye tout kalite pwoblèm nan mond sa-a. Paske neglijans, inyorans, ak mechanste lòm lan ka lakòz anpil domaj sou tè sa-a.
Moun ka menm pèdi vi yo. Si moun k’ap kondi-a ap fè neglijans, li pa gen kalifikasyon pou-l’ kondi, oubyen li anba enfliyans dwòg oubyen alkòl, li ka koze anpil danje, menm touye moun.
Si gen neglijans ki fèt o nivo reparasyon yon machin, sa ka lakòz machin sa-a pèdi kontwòl. Se menm bagay la tou pou avyon, tren, ak tout obje transpòtasyon.
Se menm reyalite-a tou nan domèn konstriksyon ak tout lòt domèn ki egziste. Si lòm lan pa fè sa pou-l’ fè, oubyen li pa egzèse byen responsabilite l’, li kapab mete lavi-l’ ak lavi lòt moun an risk.
Ou kreye mond sa-a yon fason kote bon desizyon lòm ap fè kapab egzèse yon enpak. Ebyen, se menm jan tou move desizyon ke y’ap fè kapab egzèse yon enpak negatif.
Anplis, eta pèdisyon ke lòm lan vin ap viv ki brize kontwòl pèsonèl ke-W’ te dwe gen sou lavi-l’ atravè yon relasyon entim pou mete lòd ak sekirite nan lavi-l’ vin bay Satan yon gwo tou vid pou-l’ enfiltre oubyen entèfere nan sa ke lòm lan ap fè pou-l’ koze mechanste.
Ou kreye kò fizik lòm lan ak tè sa-a ki fè pati inivè-a. Inivè-a vin devni yon pi gwo reprezantasyon kò fizik lòm lan. Ou te bay lòm lan dominyon sou tout bagay ke-W’ te kreye, menm dyab la te anba dominyon sa-a.
Ebyen, lòm rebele kont Ou atravè soumisyon-l’ a vwa Satan, li fòfèt dominyon sa-a. Satan vòlè-l’ paske se pa-t’ pou li ke dominyon-an te ye.
Dominyon sa ki gen anndan-l’ otorite ak pwisans, Bondye te bay li pou lòm te ka kenbe oubyen prezève lòd ak amoni ke L’ te plase nan mond sa-a atravè kreyasyon-an atravè obeyisans lòm a Bondye.
Ebyen, dezobeyisans lòm vin met dyab la nan yon pozisyon non sèlman misye vin gen dominasyon sou lemond, men li vin gen mwayen pou-l’ enfliyanse oubyen pwovoke tout kalite mechanste ak katastwòf nan mond sa-a.
Lòm lan vin tèlman egare, dyab la itilize-l’ san-l’ pa menm reyalize sa-a. Li vin tounen yon zouti nan men yon antite ke Bondye te ba-l’ dominyon sou li. Yon antite ki ta zipoze ap trennen anba pye lòm.
Tout sa k’ap fèt swa Ou pwovoke-L’ pou-l’ rive, oubyen Ou kite oubyen pèmèt li rive. Anpil move bagay k’ap fèt se pa volonte-W’. Kidonk, se pa Ou pa menm ki òkestre yo, men pou yon rezon misterye lòm paka konprann, Ou kite yo pase. Se bagay sa-a anpil fwa k’ap toumante lespri lòm.
Malgre tout, yon sèl bagay ke nou ka repoze lafwa-n’ sou li se pwisans ak byen veyans Ou depase neglijans, inyorans, ak mechanste ki nan kè lòm. Pwisans Ou depase pwisans dyab la ak tout aktivite l’ap mennen o nivo enfliyanse lòm ak pwovoke yon seri katastwòf nan mond sa-a.
Medite sou Bondye ki an kontwòl sou tout bagay.
Se tankou Bondye syeje sou twon Li sou yon platfom transparan atrave-l’ L’ap gade tout aktivite Satan ap mennen pa anba.
Li gen kontwol sou chak mouvman Satan ap fe. Li gen kontwol sou chak grenn atom, eleman ki konstitiye tout inive-a. Ebyen, se la ke Kris syeje a dwat Li sou twon Li.
Se la tou Bondye Papa syeje-n’ an Kris a dwat Li.
Tout bagay sanse anba pye-L’. Kidonk, Satan selman ka fe sa ke Bondye pemet li fe.
Satan bezwen pemisyon pou-l’ atake lom lan. Pemisyon sa pa foseman vle di fo-l’ fome-l’ paske depi lom lan an dezako ak volonte Bondye, li ekspoze.
Pemisyon sa se reprezantasyon dwa legal ke Satan jwenn. Li toujou ap chache dwa legal sou lom lan atrave rebelyon yon fason pou-l’ mete Bondye nan yon movez pozisyon paske fok Bondye rete fidel ak Pawol Li ki se pwop tet Li menm anko.
God’s sovereignty is defined as His complete and total independent control over every creature, event, and circumstance at every moment in history. Subject to none, influenced by none, absolutely independent, God does what He pleases, only as He pleases, always as He pleases.
God is in complete control of every molecule in the universe at every moment, and everything that happens is either caused or allowed by Him for His own perfect purposes.