Responsabilite-w’ kom yon papa spirityel anfave sila yo ki anba otorite spirityel ou. Strateji primodyal nan konba ou ap egzese an fave sila yo ki anba otorite-w’ se kite Lespri Bondye gide-w’.
Nan konsa, ou p’ap batay avegleman. Ou ap gen yon strateji ki byen spesifik nan men-w’ pou-w’ konat riz dyab la.
Se kite Lespri Bondye enspire-w’, ba-w’ yon limye konsenan sa-w’ dwe fe le-w’ an fas yon sitiyasyon. Pa depann sou konesans, sajes, ak bon sans ou.
Men depann sou omnisyans Lespri Bondye. Paske gen ka ki konn prezante ki konn paret senp oubyen natirel ki pa sa vre.
Li toujou bon pou-w’ tande kisa Lespri Bondye gen pou-L’ revele-w’ avan-w’ kouri al fe sa-w’ we ki fe plis sans a ou menm nan moman.
Satanis yo amonize yo “parfaitement” ak legliz gid ke Satan bay yo jis nan degre gen kote pou yo ale, fo yo jwenn pemisyon-l’ avan. M’ gen yon devwa tou pou-m’ amonize-m’ ak Lespri Bondye.
Vre responsabilite-w’ se pou batay pou volonte Bondye ka materyalize nan lavi lom lan. Paske Bondye planifye gwo bagay sou lavi lom lan, men enmi-an atrave dezobeyisans ak inyorans lom gen anpil dega l’ap fe.
Li sanse devye lom lan.
Priye Ak Goumen Pou Destine Yo
Chak moun gen yon destine ke Bondye prepare avan menm yo egziste. Malerezman, se pa tout moun ki rive jwi fave, benediksyon, ak rezous ke Bondye pwograme sou lavi yo akoz enmi-an Satan devye yo.
Se yon kado ke Bondye atrave pwop souvrennte-L’ ke-L’ plase-l’ nan lavi yon moun atrave fontenn moun sa kom yon gid.
Sa vle di se tout dezi ak plan Bondye ke moun sa rejwi tout benediksyon, privilej, ak opotinite ki mache ak destine ke-L’ planifye sou lavi moun sa.
Se yon bagay ki apatyen a moun menm si enmi-an vole-l’. Men plan Bondye p’ap chanje paske Li bay li net. Yo pa ka ni detwi ak epwize-l’.
Fo-w’ kanpe an fave moun sa yo. Fo-w’ batay pou zetwal sila yo ke Satan vole pou-l’ bay moun pa-l’. Pwiske se yon bagay ki toujou rezeve ak moun ke Bondye te bay li, ou ka reklame-l’ pou yo nenpot kote-l’ ye.
Se yon bagay ki telman gen vale, Satan touye moun atrave imoralite seksyel pou yo rache zetwal moun sa atrave kote Bondye plase-L’ la ki se frontenn tet yo.
Se devwa-w’ menm pou fe tout sa ki depann de ou menm atrave kapasite, pwisans, ak onksyon ke Bondye ba ou pou-w’ fe seten ke moun sa yo devni sa ke Bondye vle pou yo ye-a ni nan vi sa, ni nan vi ki gen pou vini-an.
Priye Reklamasyon
Fo-w’ reklame pa fos nanm sila yo ki an kaptivite nan men Satan. Sa yo ki anchene nan prizon spirityel pandan ke yo vivan sou te sa.
Konbat Plan Ak Konplo Enmi-an
Konba spirityel la entansifye leswa le tout moun ap domi bo 12:00 am a 3:00 am. Gen anpil atak enmi-an fe. Gen anpil bagay ki gen pou yo manifeste pandan jounen-an.
Tankou jan yo di-a, sa-k’ rive pandan jounen-an gen tan rive deja pandan nwit la. Li gen tan rive deja sou plan astral.
Wol ou se fe seten ke atak sa yo pa manifeste pandan jounen-an.
Konba Kont Satanis
Youn nan pi gwo konba-w’ kom yon “homme de Dieu” se konbat Satanis ki gen misyon nan men yo pou yo detwi lavi moun ak atake legliz Kris la.
Genyen ki gen responsabilite pou yo ofri 1,500 moun pa semen.
Atake je spirityel yo. Atake aktivite y’ap mennen. Bloke aktivite yo. Degrade yo.
Atake pil obje mistik ke yo genyen. Fe dega nan chanm mistik yo. Bloke yo pou yo pa vwayaje.
Anplis, batay pou nanm yo yon fason pou Bondye delivre yo nan eta malefik ke y’ap fonksyone-a.
Dat espesyal pou Satan
- Chak Samdi bo minwi.
- 24 a 31 Desanm planifikasyon pou nouvel anel. Anpil sakrifis ki fet.
- 6 Janvye yon dat gwo sakrifis fet pou moun renouvle kontra yo.
Depi yon nanm sove nan ministe, men gen kontwol sou li.
Poud Mistik Ak “Champ D’envoutement”
Ajan Satan yo itilize poud mistik ki konn soti sitou nan semitye pou plizye rezon. Yo vese-l’ nan wout kote machin ap pase.
Yo itilize-l’ tankou pyej pou yo lakoz aksidan jis pou yo ka sakrifye moun sa yo ki viktim aksidan sa yo.
Tout machin ki travese poud sa rann chofe-a pedi kontwol jiskaske l’al enplike nan yon aksidan touswit oubyen apre yon tan.
Yo bay moun maladi ave-l’. Yo kaptire nanm moun atrave poud mistik sa tou. Yo anpwazone moun ak poud sa.
Gen yon poud yo rele “black powder of death”. Nenpot moun ki travese poud sa ap mouri. E y’ap transfere nanm moun sa nan mond Satan.
Poud sa lakoz maladi, lanmo, ak aksidan. Yo itilize pouvwa semitye pou yo anjandre zouti mistik ke y’ap itilize pou yo anvoute moun.
Yo itilize mond semitye-a kom yon kote pou yo al jene tou.
Yon konn mete tou sa yo rele “Champ D’envoutement” pou yo ka lakoz aksidan. Le yon chofe san Kris rantre nan spas sa, vizyon-l’ manipile, li we-l’ l’ap kondi nomal pandan ke machin lan pedi kontwol.
Gen ka tou yo ajan Satan yo konn al opere nan yon dimansyon astral atrave-l’ yo konn rale volan nan men chofe epi yo lakoz yon aksidan.
Yo mete poud, kod mistik, miwa manyetik, pyes mistik pou pwovoke aksidan sikilasyon.
Kidonk, li enpotan pou-w’ komande vwayaj ou nan Bondye paske tout aksidan yo pa natirel. An reyalite, 70 pousan aksidan se zev Satan.
Temwayaj
Yon jen ti gason ki te sou kontra mond envizib la pou yo te sakrifye-l’ apre yo te fin touye paran-l’.
Malgre paran-l’ pandan yo te nan katye esklav apre lanmo yo t’ap plede pou ti gason-an, men yo di ti gason-an apatyen a yo menm legalman ak jiridikman.
Men akoz misye te nan men yon groupe “homme de Dieu”, ajan Satan yo te voye al touye-l’ yo pa-t’ ka atenn objektif yo.
Yo te oblije sedwi-l’. Yo ba-l’ lajan pou-l’ kite kay “homme de Dieu” yo. Pandan operasyon sa yo kreye yon barye pou moun pa pase nan andwa. Kidonk, si yon moun ta gen plan pase, ide moun sa ap chanje pou-l’ fe nan yon lot direksyon.
Ebyen, pandan misye ap jwi lajan-l’ zanmi konsa nan yon machin, satanis ateri sou plas. Yo lok pot machin lan. Yo rale volan nan men chofe-a. Kom konsekans, machin lan chavire, tout mouri.
Menm satanis sa konfese koman-l’ te fe pati yon misyon kote yo te rive touye yon gwoup paste “visye” ki te manje yon move lajan mal.
Kidonk, pandan yo nan machin lan, yo chavire-l’. Tout paste sa yo mouri.
Ou se yon solda. Fo-w’ toujou rete nan espri lapriye. Nan yon espri kote pou-w’ toujou pre pou atake. Priye avan-w’ monte machin.
Plante Bon Semans Nan Lavi Yo
Menm jan ke enmi-an pase li plante move semans nan lavi moun ki pral manifeste nan demen, se konsa fo-m’ plante bon semans, benediksyon nan lavi sila yo ki anba otorite spirityel mwen pandan m’ap detwi plan dyab la.
Vijilans Kont Plan Enmi-an
Ou dwe pase tan nan lapriye menm pou Bondye revele-w’ plan ak konplo enmi-an swa kont ou, ministe-w’, ak sila yo ki anba otorite spirityel ou.
Paske plan enmi-an prospere atrave inyorans, endiferans, ak neglijans ki lakoz yon mank vijilans.
Egzese Otorite Sou Nanm Sila Yo Ki Pa Dwat
Ajan Satan yo gen pouvwa atrave mwayen mistik, okiltik, ak ezoterik pou yo fe yon enkantansyon kote yo konvoke nanm yon moun pou-l’ paret devan yo.
Nanm sa si-l’ pa an Kris, l’ap oblije reponn ak konvokasyon sa. Yo ka pike nanm sa. Kom konsekans, moun sa ap mouri nan menm moman.
Pou mete plis pouvwa nan pwosesis la, ajan dyab sa ka fe apel a lot espri demonyak pou vin bay asistans tankou espri “transporter, charger, ak elevator”. Kidonk, yo kenbe men yo ansanm pou “unifier” fos yo pou konvokasyon espri moun sa pou-l’ paret.
Yo ka sezi oubyen vole zetwal moun sa ki gen destine, potansyalite, resous, riches, ak benediksyon Bondye bay moun sa pou-l’ rejwi kavi sou te sa.
Yo ka kaptire nanm sa atrave yon obje ki rele “Pentacle”. Anplis, yo ka anchene nanm moun sa nan prizon spirityel.
Nanm sa yo ka kenbe-l’ nan sant detansyon pou sakrifis oubyen ale nan mond envizib, astral ave-l’ kote yo ka fe sa yo vle ave-l’ si Bondye pa fe yon entevansyon divin an fave viktim sa.
Yo fe tout sa atrave fomil majik, priye mistik, oubyen enkantansyon.
Kom yon sevite Bondye, ou ka fe plis ke sa toujou nan yon sans pozitif an fave sila ki an kaptivite anba grif Satan atrave otorite, pwisans, ak pouvwa ke Bondye mete an dispozisyon-w’.
Kapasite Divin Nan Lom
Plan Satan se detwi kapasite divin ke Bondye te mete nan lom pou lom lan viv pou glwa Kretate-l’.
Men Satan atake kapasite sa yo yon fason pou lom lan viv nan yon dimansyon ki enferye a dimansyon Bondye te kreye-l’ pou-l’ te viv.
Kalibous – Zanj sa chaje pou-l’ detwi kapasite divin Bondye plase nan lòm.
Plan Ofansif Ak Defansif
Le-w’ nan yon gwo konba spirityel, yon bagay ke-w’ pa di akoz yon bagay ke-w’ pa konnen gen dwa rann ou pa efikas oubyen efektif ase nan konbat plan enmi-an.
Mank presizyon kapab kreye pwoblem menm nan nivo priye pou yon ajan Satan ki bezwen delivrans.
Kidonk, li tre enpotan pou-w’ pase tan ak Bondye nan lapriye pou Lespri-L’ revele-w’ koman-w’ dwe atake enmi-an.
Paske Sent Espri ki nan ou-a konn tout bagay. Li konn tout strateji ke enmi-an ap itilize pou-l’ vin atake. Li ka revele-w’ yon plan egzak pou-w’ konfronte Satan.
Se youn nan rezon yo ba Li yon non tripotay nan mond envizib Satan.
Toujou konnen enmi-an ap gen yon plan kontratak si ou ap ba-l’ pwoblem. Depi ke ou ap bloke aktivite-l’, ap toujou gen yon plan pou yo elimine-w’.
Kidonk, l’ap voye gwo ajan ki gen gwo grad epi ki gen anpil eksperyans nan domen atake sevite ak sevant Bondye pou vin atake-w’.
Kidonk, strateji-w’ se pou-w’ kreye yon barye oubyen baraj “de protection” swa ak (san Jezi, limye oubyen dife Bondye) ke okenn espri demonyak, espri imen, ak ajan dyab pa ka apwoche ak franchi.
Li bon pou-w’ enpoze yon barye defansif non selman pou-w’ bloke tout strateji ke enmi-an pral itilize pou kontrekare sa ou ap fe, men fo-w’ gen yon plan ofansif tou pou-w’ atake, detwi, ak netralize tout sa l’ap planifye fe.
Ou atake yo avan menm yo atake-w’. Ou detwi tou plan ak strateji atak yo, avan menm yo gen tan rive sou ou.
Toujou ap lanse atak san rete. Atake yo depi nan moman y’ap planifye atak yo kont ou.
Toujou mete nan tet ou ajan Satan yo gen diferant wout ke yo ka pase pou yo atenn yon vre Kretyen k’ap bay yo pwoblem si yo pa ka pran-l’ atrave enkantansyon mistik.
Objektif la se chache yon twou vid. Y’ap chache dwa legal pou yo atake. Pran avantaj sou sa yo ki pi feb la.
Si yo pa ka rive sou moun sa direkteman, yo ka pase atrave madanm moun sa. Si yo pa ka jwenn yon twou vid nan madanm oubyen mari moun sa, yo ka pase menm atrave pitit li.
Si se yon paste, yo ka kreye dezako atrave manb legliz yo. Yo ka lanse espri ki spesyalize nan mete dezako, konfli, ak divizyon.
Youn nan strateji ke yo itilize se ranje oubyen anpwazone kado, manje, lajan, elatriye swa pou yo anvoute ak touye yon sevite oubyen yon sevant Bondye.
Jen ak priye: Toujou mete nan tet ou ke ajan dyab yo konn jene pou konbyen jou pou yo fotifye espri yo yon fason pou yo ka atake sevite ak sevant Bondye.
Yo konn fe sa yon fason pou yo ka kontrekare efikasite jen yon Kwayan. Si Kretyen-an fe yon jou, yo menm yo fe twa jou.
Tout se aktivite ke-w’ dwe modi ak defet yo. Rann yo san efikasite atrave otorite ak pwisans Bondye ba ou.
Temwanyaj
1) Yon ansyen sosye ki transfome an fi rive femen yon legliz atrave yon batem paste-a t’ap fe malgre madanm li te di-l’ yon sonj ke-l’ te fe nan aswe.
2) Yon evanjelis rive pran nan yon mikro ke yon dyak ranje pou li. Madanm li te gen tan we sa nan yon sonj.
3) Yon sosye fe plizye ane nan yon legliz ak yon plan pou-l’ detwi paste-a. Paste-a te toujou kouvri anba prezans ak pwisans Bondye.
Men yon jou li rive atake paste-a atrave kole ke-l’ te fe avan-l’ vin legliz akoz yon pawol dwol madanm li te di-l’.
San konfese li monte che-a, l’al preche ak tout santiman kole-a nan li. Sosye-a ouvri je spirityel li, li pa we pilye dife pwoteksyon sa.
Li lanse yom flech mistik. Menm moman paste-a fe yon kriz kadyak. Li fe plizye jou nan koma.
Sistem Siveyans Mond Teneb La
Mond teneb lan gen ekran mistik atrave-l’ y’ap kontrole yon seri operasyon ke ajan dyab yo al akonpli sou te sa.
Gen yon ansyen jan dyab ki te menm poze tet li kesyon eske enmi-an filme tout moun ki sou te-a.
Paske yo ka fikse kamera direk sou yon moun yon fason pou yo gade moun sa an direk.
Menm Kretyen ke yo konn ap gade yo sou gwo ekran sa yo. Kidonk, yo enstale yon sistem siveyans ki ladan-l’ satelit mistik k’ap kontwole.
Pouvwa Espri
Yon espri gen pouvwa pou-l’ deplase yon pon sitou pon ki pase sou dlo ki gen espri ki abite ladan-l’.
Le pon-an deplase, chofe k’ap kondi yo ap we pon-an nomal pandan ke-l’ deplase.
Se sa ki konn koze anpil aksidan.
Espri yo gen pouvwa pou yo ajite yon dlo, yo ka fe dlo-a monte.
Temwayaj
Pandan yon ansyen satanis te nan yon konvesasyon ak yon siren nan yon dlo ki gen yon pon pase sou li, misye remake gen yon machin k’ap vini ki te gen Kretyen ladan-l’ ki t’ap chante.
Li di machin lan te antoure ak flanm dife. Le siren lan aveti-l’ konsenan machin k’ap vini-a, siren lan te deplase pon-an epi-l’ kenbe-l’ nan men-l’.
Siren lan oblije remete pon-an nan plas li epi-l’ plonje nan lanme-a pou dife-a pa devore-l’.
Yon siren gen plis fos le-l’ nan dlo. Li komanse pedi fos le-l’ soti nan dlo-a pou-l’ vin sou te sa.
Pwoblem Inyorans
Satan itilize inyorans kom yon zam pou-l’ enfliyanse lom. Li itilize yon bagay ki paret nomal ki gen pou we ak sa yon moun pa konnen pou-l’ akonpli objektif li.
Kidonk, gen ka ki konn prezante li toujou bon pou-w’ fe yon priye ki anglobe tout posibilite demonyak ki gen dwa an mosyon deye sitiyasyon sa.
Non selman fo-w’ fe yon priye spesifik ki gen rapo ak sa ke-w’ konnen, men anpil fwa konn gen yon bagay ki la ke-w’ pa menm rann kont de li.
Pran otorite kont strateji Satan pou-l’ vin espyone vi priye-w’ yon fason pou-l’ konn anbisyon-w’ atrave reket ke ou ap adrese a Bondye. Ajan Satan yo konn pwojte espri yo nan “insect” pou yo vin tande reket priye Kwayan jis pou yo ka al konbat yo.
Pran otorite sou movez espri rebel ak destriksyon k’ap opere nan legliz pou moun pa tande mesaj. Gen demon ki gen kapasite pou yo femen zorey moun ki vin legliz pou yo pa tande mesaj.
Gen moun ki inisye nan “soselri sibkonsyan”. Men le yo al legliz, y’ap toujou gen yon tandans anve “le mal”.
Y’ap toujou rete chanel kelkwswa efo ke yo fe. Moun sa yo sanse anvoute.
Imaj ke moun ap gade nan televizyon yo konn gen demon ki atache nan yo.
Misyon
Le-w’ al nan misyon fo-w’ pran atansyon ak tout ti bagay. Nenpot bagay kit li piti ou pa dwe fe-w’ toujou sispek jis nan degre pou ap sonde.
Tankou bet, demonstrasyon, chanjman nan tan ki fet, lapli, loraj, elatriye.
Depi se yon bagay ki prezante kom yon obstak pou sa-w’ pral akonpli, fo-w’ veye-l’.
Priye pou machin lan k’ap transpote moun yo. Priye pou Bondye enpoze men pwoteksyon-L’ sou machin sa.
Ke Bondye mete yon pwisans spirityel sou machin sa pou ki pemet li franchin tout pyej, obstak enmi-an mete pou kontrekare misyon sa.
Depi se yon bagay ke-w’ pral fe pou glwa Bondye pou-w’ konfronte yon pwoblem ki poze, depi yon moun ap ba-w’ pawol dekourajman, siveye moun sa.
Temwayaj
Yon ansyen satanis rakonte yon evenman malefik ki te pase kote yon gwoup sosye te toudi yon moun ke yo te gen yon plan pou yo t’al leve.
Pandan y’ap fe veye-a, yo sispek gen yon “homme de Dieu” ki vin nan plas la. Dout, enkyetid komanse akapare sosye sa yo k’ap swiv sitiyasyon-an “de pres”.
Paske yo konnen ke yon moun ki toudi se yon moun ki ka soti nan kondisyon-l’ ye-a si yon moun ki dyanm spirityelman priye pou li.
Sa yo fe, yo lanse yon gwoup demon dezako ak konfli pou al pwovoke yon gwoup “teenager” ki te la. Yon sel konfli ak batay pete. Sa rive dispese moun ki te la enkli “homme de Dieu”.
Te gen yon anteman kote yon pastè te dirije pa Lespri Bondye pou-l’ fè yon priye pou yon ajan Satan ki te la ak tout yon espri nan dlo.
Pandan ke pastè-a pral kòmanse priye-a, ajan te eseye sove selon rekomandasyon espri dlo sa ki rele Micheline. Ki sot tonbe red ate-a.
Pastè-a pran otorite sou li. Menm moman gen yon lejyon demon ki rantre nan yon tonton ki t’ap bwe tafya, yo provoke yon dezi pou-l’ bagay pou neve-l’ yon fason pou yo ka kouri ale lopital ave-l’.
Kom konsekans, fòs dyab ki te sou li-a te afebli.
Leson-an: Gen konfli ki konn prezante nan yon sitiyasyon, konfli-a enfliyanse pa demon yon fason pou yon sevite oubyen sevant Bondye pa defet plan mechan.
Te gen yon dam ki t’ap viv nan yon kay ak mari-l’. Li te fe youn nan kouzin li yo ki t’ap viv andeyo vin viv ave-l’.
Ebyen, jalouzi monte kouzin lan akoz lot la gen ti mwayen, l’al vann vant li ak Bawon Samdi.
Manmzel vin pa ka ansent. Gen yon dam misyone Bondye enspire pou al priye nan kay la.
Menm moman manmzel gen tan pran devan pou-l’ di dam lan pa gen Kretyen la, nou pa bezwen priye-l’ la.
Kidonk, l’ap kouri deye moun lan. Lot kouzin lan ki te gen pwoblem te oblije resevwa dam misyone-a. Dam misyone-a mande pou tout moun konveti.
Kouzin malfektez la pa-t’ vle. Li di pase pou-l’ konveti, li poto kite kay la. Li woule ko-l’ la, li touye de pitit dam sa akoz manmzel pa-t’ pesevere nan levanjil la.
Apre de ensidan sa yo, Bondye voye menm dam laj di-l’ pou-l’ pesevere nan levanjil la atrave priye, jen, peye dim, al legliz, elatriye.
Li vin ansent yon twazyem pitit, kouzin malfektez la al fe menm bagay la anko. Pandan l’ap plante yon boutey monte nan lakou-a nan moman li fin debouche-l’, boutey la eksploze.
Tet boutey la pike kou-l’ soti pa deye. Li tou mouri sou plas.
Leson-an: fo-w’ tre vijilan. Fo-w’ mande Lespri Bondye pou-l’ ouvri je-w’ detekte move je ki bo kote-w’ k’ap fe-w’ mal ki ki pran poz yo ave-w’.
Yon jen gason ke kouzen-l’ t’ap sakrifye rakonte koman yon maladi mistik t’ap ravaje-l’ nan yon degre remed syantifik pa-t’ ka fe anyen pou li.
Kidonk, le-l’ reyalize ke-l’ p’ap chape, li te oblije fe fanmi-l’ mennen-l’ legliz. Li rakonte koman-l’ te fe eksperyans ak efikasite lapriye.
Sante-l’ te vin amelyore touswit. Li di fanmi-l’ yo pito yo kite-l’ nan legliz la jiskaske-l’ rekipere-l’ konpletman.
Ebyen, le kouzen-an vin aprann sa, misye vin pa konfotab menm paske-l’ te gen yon sevite-l’ ke-l’ ta pral sakrifye ki te chape konsa.
Misye voye yon pil demon pou yo al enfliyanse fanmi kouzen-l’ lan yon fason pou yo al chache misye nan legliz la.
Kidonk, strateji-a se elwanye jen gason sa a “homme de Dieu”. Se konsa fanmi-an paret nan legliz la an sovaj yo vin pran misye.
Se la misye pral jwenn lanmo-l’ atrave lanmo mistik.
Leson-an: Tout aktivite, desizyon, ak reyaksyon ki la pou opoze entevansyon divin Bondye gen yon enfliyans demonyak alabaz li.
Alo, sa pa-t’ janm nan ide paste sa si se te yon ka konsa ki te devan-l’.
Leson: Li toujou bon pou-w’ chache direksyon Bondye yon fason pou-w’ sonde menm bagay ki paret nomal.
Anplis, inyorans se yon dimansyon reyalite k’ap evolye ke lom lan sanse pa menm konnen atrave Satan ap opere.
Premyeman: Mande pou Bondye ouvri je-w’.
Dezyeman: Fe yon priye stratejik ki anglobe tout dimansyon reyalite ki prezante-a kote pou-w’ atake nenpot fos demonyak ki aktif.
Depi se kont plan Satan ki an dezako ak volonte Bondye pou lom lan, Bondye ap onore-l’.
Le ou ap vwayaje
Priye pou Bondye pwoteje-w’ menm atrave inyorans, endiferans, ak neglijans lom. Priye sou aspe mekanik avyon sa.
Priye kont tout lot pwoblem ki pa deyo avyon ki ka leve. Tankou tan ak atak teroris. Pran otorite sou pyej mistik ke ajan dyab yo konn mete nan espas la pou lakoz aksidan avyon pou yo vese san.
M’ pran otorite sou aspe mekanik, teknik, ere lom, ak pwoblem anvironman.
Leading causes of aircraft crashes.
- 55% Pilot Error
- 17% Aircraft Mechanical Error
- 13% Weather
- 8% Sabotage
- 7% Other (ATC,Ground Handling, Unknown)
The sea surface’s temperatures in the Intertropical Convergence zone.
That means there’s lots of moisture going into the atmosphere from the ocean.
Water vapor is the fuel for tropical storms. It’s where the energy comes from.
Pran otorite ak modi tout sa ke enmi-an devlope pou-l’ deranje vi priye Kretyen yo tankou sinema, program televizyon, elatriye.
Gen yon dimansyon ke-w’ ye nan konba spirityel, fo-w’ ap atake fos demonyak kontinyelman k’ap rantre sou teritwa-w’.