Senye m’ pa kwe gen yon konba “tet pou tet” oubyen “fos pou fos” ant Ou menm ak pwisans demonyak sa ki an operasyon. Sa se yon bagay ke tout movez espri konn sa tre kle soti nan Lisife rive nan denye grenn demon ki nan iyerachi dyabolik la.

Yon espri ke sibstans ki konstitiye sa-l’ ye ak egzistans li depann sou Ou menm pa ka kanpe anfas Kreyate-a nan yon konfli. Yon movez espri pa gen kapasite pou-l’ andire eneji enfini k’ap vibre nan Kreyate-a.

Pwiske yon movez espri ki se yon senp kreyati ki donte ak kapasite ki soti nan Ou menm epwi k’ap opere nan yon nivo ki enferye a nivo ou te kreye-l’ pou-l’ opere akoz rebelyon pa gen okenn kapasite ditou pou-l’ reziste pwisans Ou ki san limit.

Se 4 senaryo

1) Se swa Ou poko vle fe espri sa soti pou yon rezon.
2) Se swa espri sa gen yon lwa fizik oubyen spirityel l’ap pran woulib sou li toujou ki ba-l’ yon fom pwoteksyon.
3) Se swa pwoblem lan se nan mwen ke-l’ ye sitou atrave mank konesans mwen. Gen dwa gen yon bagay ke-m’ pa konnen.
4) Se swa ou ap teste lafwa-m’ pou-m’ pesiste jiskaske-m’ jwenn viktwa.

Gen yon bagay ki depase dezi-m’ pou-m’ ta we pwisans demonyak sa soti ki an mosyon.

Jan-m’ panse Bondye ta dwe aji-a se pa konsa-L’ vle aji. Men m’ pa doute ditou kapasite-W’ pou chase espri sa. M’ pa doute enkapasite yon espri pou-l’ reziste pwisans Ou ki tankou yon dife devoran.

Zam Mistik Ak Zam Fizik

Si yo tire yon bal, flech mistik sou mwen, li p’ap rive atenn mwen toutotan m’ rete anba otorite Pawol Ou. Si yo rale-m’ nan miwa, si yo fe yon eskpedisyon deye-m’, si yo tann poud pou mwen, yo p’ap ka atenn mwen si-m’ anba pwoteksyon divin Ou Senye.

Si yo tire bal oubyen flech mistik deye-m’, swa-l’ devye oubyen dife glwa-W’ k’ap briye nan Kwayan konsome-l’ nan menm moman.

Kesyon-an zam mistik ak zam fizik kiyes ki pi pwisan? Zam mistik lan pi pwisan, pi fatal, pi entelijan, pi terib, ak pi efektif lontan ke zam fizik tankou fizi, kouto, manchet, bonm, elatriye.

Menm Satan konn sa tre byen. Si-l’ gen plan atake yon moun, atak fizik se yon denye altenatif nan ka tout atak spirityel yo ta echwe.

Paske misye konnen ke atak spirityel siperye a atak fizik. Atak spirityel depase atak fizik. Atak spirityel ap evolye nan yon dimansyon ki pi wo ke dimansyon fizik la.

Menm atak fizik la li enfliyanse pa yon movez enfliyans spirityel. Sa vle di menm jan m’ ka depann sou Bondye pou-L’ pwoteje-m’ kont atak spirityel se konsa m’ ka depann sou Li pou-L’ pwoteje-m’ fizikman tou.

Zanj Gadyen

Menm inisye nan sosyete dyabolik gen pil espri, gwo eneji, oubyen gwo towo ki akonpanye yo 24 sou 24. Genyen menm k’ap vante reyalite sa ke yo pa pou kont yo.  Gen youn ki di si je spirityel lot moun yo te ouve, yo t’ap we pil gwo towo ki akonpanye-l’ paske se yon gwo chabrak ki soti.

Kidonk, yo depann sou reyalite sa. Ebyen, mwen menm kom sevite Bondye k’ap sevi yon Bondye ki tou pwisan, ki san limit, yon Bondye ki gen yon kontwol absoli sou antite sa yo, m’ dwe gen plis konfidans ak asirans ke inisye sa yo k’ap depann sou yon seri espri malefik ke kapasite yo limite.

Sosyete Sekre

Nan dimansyon ezoterik oubyen okiltik ke yon bann chanpwel ap opere, kapasite pou yo defann tet yo pa baze sou pwop kapasite fizik yo, men sou kapasite antite k’ap opere alabaz bann sa.

Tout sa y’ap fe tankou dedouble, telepotasyon, telepati, anvoute moun baze sou kapasite antite sa yo k’ap opere alabaz yo.

Si yo ta fe yon rankont ak yon lot bann ki gen yon pi gwo antite demonyak ki prezide-l’ oubyen k’ap fonksyone alabaz li, rankont sa ka fatal pou yo.

Paske antite sa yo ki ave yo t’ap jis ekate yo akoz enkapasite yo pou yo kanpe an fas antite ki ala baz lot bann lan. Kidonk, yo t’ap devni moun senp ki san pwisans. Yo t’ap vin san defans an fas lot bann sa.

Lot bann lan t’ap gen opotinite pou-l’ fe sa yo vle ave yo.

Fenomen ekspedisyon sitou pou yo toudi moun ap evolye nan domen esoteric. Viktim lan frape pa yon eneji kosmik oubyen majik. Plan esoteric.

Kwayans Moun Mistik Nan Pwisans Dyabolik

Anpil fwa, moun k’ap sevi Satan plis kwe nan sa ke yo kwe-a ke Kretyen-an kwe nan pwisans Bondye. Paske efikasite fos oubyen eneji demonyak ke yo depann sou yo depann sou fem kwayans ke y’ap egzese nan antite demonyak sa yo.

Kidonk, le yon moun ap fe yon ekspedisyon deye yon lot, moun sa dwe gen yon fem asirans ke ekspedisyon-an ap atenn viktim lan. Se yon bagay moun sa pa bezwen genyen okenn enkyetid de sa.

Moun sa konsantre tout li menm sou sa l’ap fe-a ansanm ak sa-l’ ta vle pou ki rive moun lan. Nan moman moun sa fin fe sa pou-l’ fe-a, fok li kwe se yon travay ki acheve.

Si ekspedisyon-an pa rantre sou moun lan, sa konn pran moun ki deye-l’ la pa sipriz. Sa konn kreye yon fristrasyon nan moun sa nan sans sa-l’ te fe-a pa-t’ pou-l’ pa-t’ rive.

M’ pa bezwen nan yon lit ap peze je-m’, peze sou mo yo, ap peze sou non Jezi ak entansyon pou-m’ egzese fwa-m’. Lafwa se pa la ke-l’ ye. Se jis aji fwa-m’ paske pwisans lan se pa nan Pawol m’ap deklare yo ke-l’ ye men se nan Bondye.

Depi-m’ fin fe sa pou-m’ fe, m’ dwe kwe ke Bondye tande-m’, l’ap aji pou mwen. Paske se pa gwose lafwa-m’ ki konte, men se gwose Bondye.

Mot De Passe

Nan domen mistik, tout babay gen yon ‘mot de passe’. Ou ka ni lache ak mare ak yon mot de passe. Kidonk, depi yon moun rale zam sou ou, epi-w’ deklare yon mot de passe la, menm si-l’ peze gachet la, zam lan p’ap ka tire. Gachet la gen yon mot de passe pou li ki ka bloke-l’.

Lom lan itilize twa bagay pou-l’ fe mal.
1) Tripotay
2) Maji
3) Zam

Depi-w’ gen kontwol 3 bagay sa yo ou ap viv.

Yon moun pale konsenan priye mistik ke-w’ ka fe pou-w’ bloke zam kriminel. Si-w’ fin fe priye sa, yo ka fe tout jounen ap eseye yo p’ap ka tire menm yo grenn katouch.

Si moun nan mistik la ka rejwi tout pwoteksyon sa nan sa yo kwe-a, Kwayan ka fe menm bagay la.

4 Eleman

Earth, water, air, fire
solid, liquid, gas, plasma
Physical, emotional, mental, spiritual

Fo-w’ gen kapasite pou-w’ metrize 4 eleman sa yo. Sa vle di gen bagay ke-w’ ka fe pou-w’ jwenn pwoteksyon si ta gen yon katastwof atrave 4 eleman sa yo.

Ou ka metrize enpak yon tranbleman te ak “mot de pouvoir” ke-w’ resite ki kapab rann ou vin invulnerable nan spas kote-w’ ye-a.

Fo-w’ mete-w’ nan eta pou devni yon kanal, yon enstriman. Gen “mot de pouvoir” ki ka pemet ou transande 4 eleman sa yo.

Plezi sensorielle ephemere

A Declaration Of Her Powerful Witch

She wrote her sister’s name in a sheet of paper and folded it. She threw it in a hole and covered it with sand. She then declared, I wipe you off the face of the earth because you dare me.