Enmi-an la pou-l’ vire a lanve prensip fondamantal ke Bondye etabli pou gouvene fason lom lan dwe viv kom yon kreyati ke-L’ kreye pou glwa-L’.
Enmi-an la tou pou-l’ eskplwate lwa natirel ak spirityel ke Bondye enstitiye pou gouvene relasyon mond spirityel ak mond materyel la.
Kidonk, wayom dyab la baze an opozisyon total a tout sa Bondye fe pou yon objektif byen detemine.
Si Bondye di fe adwat, Satan ap di fe agoch.
Si Bondye di obeyi, Satan ap di dezobeyi.
Si Bondye ap konstwi, Satan ap detwi.
Si Bondye ap bay lavi, Satan ap touye.
Si Bondye ap beni, Satan ap vole.
Tout sa Bondye rayi, li renmen yo.
Si Bondye ap oryante nan bon direksyon, Satan ap devye, elatriye…
Jezi Kris te manifeste nan lache pou-l’ detwi zev Satan.
Plan Satan pou-l’ konbat sakrifis Kris la pou-l’ pa benefisye lezom se kenbe yo nan peche, ere, ansanm ak konbat lafwa sa yo ki kwe.
Plan Satan se detwi zev Jezi Kris yo atrave sevant ak sevite-L’ yo k’ap opere tankou animal, bet sovaj ki san pitye.
Sa vin devni gwo konfli ki egziste ant wayom Bondye-a ki karakterize pa limye ak wayom Satan ki karakterize pa teneb.
Ebyen, kom ajan ki gen yon manda Met mwen konfye-m’ pou-m’ konbat wayom teneb la, m’ la pou-m’ fonksyone a lanve a wayom Satan.
Tout sa-l’ bay ajan-l’ yo otorite pou yo fe, m’ dwe itilize otorite pa-m’ lan pou-m’ fe lekontre.
Misyon ajan dyab la se egzekite ak ranfose ajanda met yo ki se konbat plan Bondye pou lavi lom. Misyon Kretyen yo se egzekite ak ranfose ajanda Met yo Jezi Kris ki se detwi zev dyab la nan lavi sila yo ki anchene anba grif Satan.
Misyon prensipal Kwayan nan glorifye Bondye se opoze Satan.
Menm jan ajan-l’ yo gen yon dwa pou yo konbat Kretyen yo yon fason pou detwi zev Kris ke y’ap pwodwi pou glwa Bondye, se konsa tou m’ gen yon responsabilite tou pou-m’ konbat yo tou pou-m’ detwi zev dyabolik y’ap pwodwi pou glwa met yo.
Enfliyans Ajan Satan Yo Nan Nivo Nanm Moun
Yo konvoke nanm moun paret nan miwa mistik oubyen boul kristal atrave enkantasyon mistik. Yo fe-l’ ak yon otorite, fem konfidans nan sans ke viktim lan dwe paret imedyatman. Yo deklare ke moun sa, fok ou paret. Ou pa ka chape konvokasyon sa. Gen moman menm, yo ini yo ansanm pou yo rele moun sa yo vle paret la.
Yo ekspedye espri malefik pou yo al enflike mal kont lot moun. Yo pwononse yon seri pawol malediksyon kom komand yo bay espri sa pou-l’ al egzekite.
Yo pike nanm moun ki lakoz yon lanmo imedya kote viktim lan senyen jiskaske-l’ mouri oubyen-l’ tonbe malad apre yon tan pou-l’ mouri.
Gen ka yo pike moun sa epi yo bwe san-l’ pandan-l’ vivan. Yo menm rive planifye koman moun sa ap mouri.
Yo lanse flech mistik sou moun ki lakoz kriz kadyak, maladi, ak lanmo.
Yo kaptire nanm moun. Yo anprizone nanm moun. Yo mete nanm moun nan boutey.
Gen ka kote yo deplase oubyen retire nanm lan menm nan ko-a, menm moman moun sa tonbe malad oubyen plonje nan yon koma. Yo konn menm pati ak nanm lan nan mond astral. Kidonk, se retounen pou nanm sa retounen nan ko moun sa pou-l’ vin nomal.
Yo voye nanm moun yo touye ki anba posesyon yo sou lot moun. Yo itilize nanm moun pou yo fe tout kalite bagay mal.
Yo zonbifye moun. Yo fe yo tounen bet.
Yo konn rele nanm moun pou yo itilize yo lannwit. Yo konn pati ak nanm sa yo. Yo fe nanm sa yo travay di. Le moun sa yo reveye, yo fatige.
Yo vole zetwal moun ki gen destine, riches, ak fave moun sa.
Yo kominike vye entansyon ak lot moun atrave mwayen telepati.
Yo pwojte pwop espri yo nan yon lot moun pou yo ka enfliyanse moun sa.
Yo gen kapasite pou yo enjekte oubyen pwojte tet yo nan rev moun.
Yo fe rityel kote yo fe tout kalite vye imajinasyon de yon lot moun epi yo transfere-l’ a moun sa pandan l’ap domi. Moun sa we-l’ sou fom rev.
Yo moleste moun pandan y’ap domi.
Yo atake moun lan domi. Viktim lan we sa sou fom yon rev pandan ke eksperyans lan se yon reyalite ki fet nan yon nivo astral.
Yo plante tout vye semans dyabolik nan lavi moun nan domi ki pral manifeste nan lajounen sou fom blokaj, echek, maladi, foskouch, elatriye.
Yo fe enkantasyon pou yon somey pwofon tonbe sou moun yon fason pou yo ka opere.
Si yo vini, yo pa jwenn astral moun lan nan ko-l’ pandan l’ap domi, yo rantre nan ko-a. Yo fe moun sa soti. Yo ka fe-l’ bwe pwazon. Anplis, yo ka fe moun sa pann tet li apre sa yo soti nan ko-a pou-l’ mouri. Kidonk, le astral moun sa retounen, li jwenn ko-a mouri.
Si yo ta jwenn astral moun sa nan li, yo rantre nan moun sa. Ko-a te fet pou-l’ sipote yon sel astral. Kom konsekans, ko moun sa vin lou kom yon pwa 50. Yo pete fyel moun tou nan domi konsa. Se sel Jezi pou moun sa ta di nan ke-l’ pou dife ta komanse pran andann-l’ pou astral rebel sa ta kouri kite ko-a.
Yo modi moun, yo fe moun pa ka progres nan tout nivo, yo fe moun pa ka fe pitit, elatriye. Kidonk, yo fe tout kalite seremoni dyabolik pou yo enflikte lavi moun ak blokaj.
Gen ka se kloure yo kloure moun sa yon kote. Gen ka se mare yo mare moun sa. Anolis, gen ka yo antere tout avni, fiti, ak potansyalite moun sa yon kote.
Objektif la se vole, touye, ak detwi. Sa se baz wayom Satan ki konstitiye zev li.
Konesans sa yo pa soti nan Bondye. Lom lan pa jis rete konsa li vin gen tout konesans malefik sa yo pou kont li.
Kidonk, se enmi-an menm ki revele yo a lom. Yo prepare moun pou sa menm atrave mwayen mistik, okiltik, oubyen ezoterik.
Tout konesans malefik sa yo baze sou yon reyalite, domen, abilite, ak lwa ke Bondye te kreye.
Satan jis ranvese yo.
Kisa Kwayan Dwe Fe
Nan remak ke-m’ fe atrave plizye temwayaj, m’ konstate ke ajan Satan yo pi direk, pi agresif, pi rapid, ak pi vyolan nan fason y’ap atake, touye, ak britalize lom parey yo.
Ajan Satan yo se kanal ki konekte ak mond teneb Satan atrave yo li deklannche “arsenal zam destriktif” li kont limanite.
Ebyen, Kretyen yo tou se kanal ki konekte ak mond limye-a ki reprezante pa Jezi Kris atrave yo menm Bondye mete yon “arsenal zam spirityel” pou yo konbat zev dyab la.
Malerezman, ajan Satan itilize zam yo pou yo fe sa y’ap fe pi byen ke Kretyen.
Youn nan bagay ke ajan Satan yo toujou ap fe se toufe oubyen touye lavi spirityel Kwayan. Yon fason pou yon jwenn yon twou vid.
Ebyen, Kwayan tou dwe atake tout grad, kapasite, degre, ak obje mistik ajan Satan yo genyen pou yo ranfose ajanda Satan sou te sa.
Gen misyon Satan p’ap janm paret tet li paske l’ap sibi yon defet k’ap sevi kom yon wont pou li. Kidonk, se lom l’ap voye akonpanye de yon lejyon demon.
Kidonk, m’ dwe devlope yon strateji pou-m’ fe lekontre.
M’ ka fe priye reklamasyon “d’ame”.
M’ ka rantre an kominikasyon direk ak nanm sa yo ki nan ere, ki nan kaptivite pou-m’ pwoklame ak yo verite-a.
Espri ajan Satan konn vwayaje volonteman ak konsyamman pou yo al atake, moleste lot moun nan somey yo.
Ebyen, m’ aprann ke espri Kwayan konn soti tou le yo nan konba spirityel, sitou le y’ap fe priye reklamasyon an fave nanm moun ki an kaptivite.
Yo soti al atake.
Point De Contact Ou De Connection Et Droit Légal, Creature Contre Le Createur